Sustraida e cunhada...

Há que reconhecer que os Sajóns tenhem um mais que excelente por nom dizer "exquisito" bom gosto à hora de desenhar as suas moedas. Poderiamos pór coma exemplo o Pound de prata, cun reverso estilistico gótico cunhado -ao igoal co 6 peniques da foto- pola rainha Ana I, ou o Penny de cobre cunhado por Xurxo V.
Mas esta peça em particular, ou qualquera da série pertenzente a este exclusivo desenho de começos do século XVIII, tem umha característica a maiores que lhe da a estas pezas o dobre de beleza...
Aparentemente a moeda da fotografia nom é mais ca um Sixpence de prata de 1703 cunhado em tempos da rainha Ana I (1665-1714, rainha de Inglaterra em 1702, da Grande Bretanha e Irlanda de 1707-1714) da Dinatia Stuart. Mas coma diziamos antes o que a fai dobremente mais fermosa é o que tem escrito baixo o busto da rainha...
O feito de que o topónimo de VIGO apareza aí escrito nom é algo puramente casual, senom que estanos a indicar que essa peça foi cunhada coa prata sustraida polos ingleses aos galeóns espanhois durante a famosa Batalha de Rande.
Estas moedas que nom as poderiamos incluir -directamente- dentro da Numismática Galega por nom ter sido cunhadas em território galego, si devem formar parte -inda que seja de maneira indirecta- em dita temática por umha banda pola procedéncia do material sustraido e pola outra por fazer referencia de maneira clara e directa a um lugar da Galiza. Sem pormenorizar no debate de si deve ou nom estar dentro de dita temática, cabe dizer que som peças muito raras de atopar e nom aptas pra tódolos petos.